Өлкөдө коррупцияга каршы аёосуз күрөш, жүргүзүлүп жаткан экономикалык саясат салыктын түшүүсүн көбөйтүүгө шарт түзүүдө. Бул тууралуу КР Салык кызматынын төрагасы Алмамбет Шыкмаматов Улуттук телерадиоберүү корпорациясынын «Ала-Тоо 24» телеканалынын түз эфиринде билдирди.

Анын айтымында, акыркы бир жылда жүргүзүлгөн реформалардын натыйжасында салыктык түшүүлөрдүн көлөмү кыйла өстү. Алсак, 2020-жылы бюджетке 63 миллиард сом түшсө, 2023-жылы 155 миллиард сом болгон. 2025-жылы 268 миллиард сом чогултуу пландалып, быйылкы жылдын алты айында план 11 миллиард сомго ашыкча аткарылган.

Мамлекеттик салык кызматынын башчысы ошондой эле салыктык түшүүлөрдүн өсүшүнө бир катар факторлор таасир эткенин кошумчалады.

"Азыр салык кызматкерлери менен ишкерлер дээрлик эч качан кесилишпейт – процедураларды жөнөкөйлөштүрдүк. Бул биздин гана эмгегибиз эмес. Коррупция менен активдүү күрөшүп, УКМК да олуттуу салым кошууда. Мамлекеттик кызматкерлер пара алууну токтотуп, ишкерлер бүтүмдөрдү жасап, салыктан качууну токтотту. Камчыбек Кыдырша кааласаң бизнеске кир" деди. Туура: акча тапкысы келген адам ишкерлик менен алектениши керек, жыл башынан бери президент ишкерлерди колдоого, кичи жана орто бизнести коргоого жана инвестициялык климатты жакшыртууга багытталган эки Жарлыкка кол койду”, – деп баса белгиледи Алмамбет Шыкмаматов.

Эске сала кетсек, үстүбүздөгү жылдын 2-июлунда министрлер кабинетинин төрагасы Адылбек Касымалиевдин төрагалыгы алдында өткөн жыйында Салык кызматы биринчи жарым жылдыктын жыйынтыгы менен кирешелер боюнча планды 6,7 миллиард сомго ашыра аткарганы белгилүү болгон.