ООГАНСТАН, 2026-жылдын 4-февралы – Karavan Info маалымат агенттиги. Талибандын Тышкы иштер министрлиги Амир Хан Муттаки Кабулда түрк дипломатиялык миссиясынын жаңы башчысы Садин Ай Йылдыз менен таанышуу жолугушуусун өткөргөнүн билдирди.

Талибандын Тышкы иштер министрлиги Амир Хан Муттаки Түркия Республикасын Ооганстандын жакын досу деп атап, эки тараптуу мамилелердин жогорулоо тенденциясында өнүгүп жатканын баалаганын билдирди.

Талибандын айтымында, түрк элчиси Йылдыз да өз кезегинде эки өлкөнүн ортосундагы мамилелерди оң баалап, экономикалык жана медициналык тармактарда кызматташууну кеңейтүү зарылдыгын баса белгиледи.

Талибан бийликке келгенден кийин, Анкара Кабулдагы элчилигин жапкан жок. Андан тышкары, Түркия Анкарадагы ооган саясий кеңсесин талибдерге өткөрүп берди, бирок дагы эле алардын өкмөтүн расмий түрдө тааный элек.

Сүрөт: Ооганстандын Тышкы иштер министрлигинин басма сөз кызматы