Түркия Республикасынын Улуу Улуттук Жыйынынын Төрагасы Нуман Куртулмуш 27-апрелде Кыргызстанга расмий иш сапары менен келет.Бул тууралуу парламенттин басма сөз кызматы билдирди.

29-апрелге чейин созула турган расмий сапардын алкагында Нуман Куртулмуш Жогорку Кеңештин төрагасы Нурланбек Тургунбек уулу менен эки тараптуу сүйлөшүүлөрдү өткөрөт.

Жолугушуунун жыйынтыгында парламенттер аралык байланыштарды өнүктүрүүгө багытталган документке кол коюлары күтүлүүдө.

Мындан тышкары Түркия парламентинин төрагасы менен бир катар жогорку деңгээлдеги жолугушуулар пландалууда.

Белгилей кетсек, Түркиянын Улуу Улуттук Жыйынынын Төрагасы Нуман Куртулмуш Кыргызстанга алгачкы расмий сапарын жасайт.