Таиланд өкмөтү Өзбекстандын жарандары үчүн 60 күнгө чейин визасыз режим киргизилгенин жарыялады. Май айынын аягында жарыяланган бул демилге 2024-жылдын 15-июлунда күчүнө киргенин Өзбекстандын Бангкоктогу башкы консулдугу билдирди.
Буга чейин Өзбекстандын жарандары өлкөнүн аэропортуна келгенде 60 долларга 15 күндүк туристтик виза ала алышчу. Бирок жаңы виза режими чек ара бекеттери аркылуу өткөн бардык зыяратчыларга тиешелүү. Таиланд бул чараны мамлекеттин экономикасын стимулдаштыруу максатында бир тараптуу ишке ашырганын белгилей кетүү маанилүү.
Таиланддын Тышкы иштер министрлигинин өкүлдөрүнүн айтымында, учурда Өзбекстан менен Таиланддын ортосунда өз ара визасыз режим боюнча эки тараптуу келишим түзүү боюнча сүйлөшүүлөр жүрүп жатат.
Сүрөт: Өзбекстандын Тышкы иштер министрлиги