ООГАНСТАН, 2026-жылдын 16-марты – Karavan Info маалымат агенттиги. Талибандын Баглан провинциясындагы маалымат жана маданият башкармалыгы провинцияда "тарыхы Кушан империясына барып такалган" эки байыркы археологиялык жай табылганын билдирди.

Бул объектилер Багландын борборундагы №8 жана №9 жолдордун боюнда жана Чамкала байыркы конушунун аймагында жайгашкан.

Департаменттин маалыматы боюнча, бул аймактар маданий мурастарды коргоо аракеттеринин алкагында аныкталып, коопсуздугун камсыз кылуу боюнча иш-чаралар жүргүзүлдү.

Археологдордун катышуусундагы алдын ала изилдөөлөрдүн жыйынтыгында, кыш жана чоподон курулган дубалдардын калдыктары, ошондой эле чопо идиштердин сыныктары, эмгек куралдары жана айрым адам сөөктөрү табылган.

Талибан тарыхый эстеликтерди жана мурастарды сактап калабыз деп ырасташат, бирок Ооганстандагы биринчи башкаруусу учурунда (1996–2001) кыймыл Бамияндагы тарыхый Будданын айкелдерин талкалаган.

Сүрөт: AFG – Эл аралык