АФГАНИСТАН, 16-сентябрь, 2025-жыл – Караван инфо маалымат агенттиги.Талибдердин Айыл чарба, ирригация жана мал чарба министрлиги Кундуз провинциясында быйыл коондун түшүмү былтыркыга салыштырмалуу 15% өскөнүн билдирди.

Министрликтин маалыматына караганда, быйыл Кундузда 5 миң 674 гектар жаан жана сугат жерден 109 миң 224 тонна коон жыйналды.
Билдирүүдө ошондой эле түшүмдүүлүктүн жогорулашына айыл чарба тармагындагы инновациялар жана жагымдуу аба ырайы себеп болгону айтылат.

Ал эми жергиликтүү дыйкандар түшүмдүүлүктүн жогорулашына сүйүнүп, бирок өкмөттөн коон-дарбызды жакшы баада сатуу үчүн аларды базарга чыгаруу боюнча иштиктүү чараларды көрүүнү талап кылышууда.

Кундуз Ооганстанда “Коондор шаары” деген ат менен белгилүү жана ал жерде коондун түрлөрү өстүрүлөт. Алардын ичинен эң белгилүү жана сүйүктүүлөрү Аскалани жана Гази Хани.

Сүрөт: Караван ААнын өнөктөштөрү