ООГАНСТАН, 2026-жылдын 3-февралы – Karavan Info маалымат агенттиги. Талибан БУУнун Баңгизаттар жана кылмыштуулук боюнча башкармалыгынын Ооганстандагы баңгизат абалы боюнча акыркы отчетун сынга алып, анын маалыматтары эскирип калганын жана учурдагы чындыкты чагылдырбай турганын билдирди.

Талибандын Ички иштер министрлигинин өкүлү Абдулматин Кане билдиргендей, изилдөө чектелген форматта жүргүзүлүп, маалымат чогултулгандан бир жыл өткөндөн кийин гана жарыяланган.

Ал акыркы жылдары бийлик баңгизаттарга каршы күрөшүү үчүн олуттуу чараларды көрүп жатканын, анын ичинде кайра иштетүү борборлорун жоюп, альтернативдүү өсүмдүктөрдү жайылтып, баңгизатка көз каранды адамдарды дарылоону баштаганын ырастайт.

Ошондой эле, кара куурай өстүрүү нөлгө чейин кыскарганы жана бүгүнкү күндө колдонулуп жаткан баңгизаттар, анын айтымында, мурунку жылдардан калганы айтылды.

Сүрөт: Эл аралык кризистик топ