БОРБОР АЗИЯ, 10-май, 2025-жыл – Кербен маалыматы.Талибандын коргоо министрлиги Пакистандын Индия Ооганстандын аймагына ракеталык сокку урган деген билдирүүсүн четке какты. Министрликтин басма сөз катчысы Инаятулла Харизми бул доомат чындыкка дал келбей турганын кыймылга жакын маалымат каражаты Hurriyat радиосуна билдирди.

Буга чейин Пакистан армиясынын өкүлү Индия Пакистан менен Ооганстандагы үч аба базасына ракета жана учкучсуз учактар менен кол салганын билдирген.

Индиянын тышкы иштер министри Викрам Мисри да Индияга коюлган айыптарды четке какты. Ал Индиянын аймагынан Ооганстанга бир дагы сокку урулган эмес деп баса белгиледи.

"Ооган эли чындап эле карапайым калкка кайсы мамлекет кол салганын жакшы эстейт"
"Мисри Пакистанга шилтеме жасап кошумчалады.

Жамму жана Кашмирде туристтерге жасалган кол салуулардан кийин Индия менен Пакистандын ортосундагы чыңалуу күчөдү.

Аймактын жана дүйнөнүн бир катар өлкөлөрү эки өзөктүк державанын ортосундагы чыр-чатактын күчөшүнө тынчсыздануусун билдиришти.

Сүрөт: Караван Инфонун өнөктөштөрү