2025-жылдын 28-29-апрелинде Ташкентте “Стратегиялык өнөктөштүктү бекемдөө: тарыхый байланыштардан ар тараптуу кызматташууга чейин” деген темада Борбор Азия өлкөлөрүнүн аналитикалык борборлорунун жана Перс булуңундагы Араб мамлекеттеринин Кызматташтык Кеңешинин Биринчи Форуму өтөт. Бул тууралуу Өзбекстандын Кыргызстандагы элчилиги билдирди.

Борбор Азия өлкөлөрүнөн – Казакстан, Кыргызстан, Тажикстан, Түркмөнстан жана Өзбекстан – ошондой эле GCC өлкөлөрүнөн: Сауд Аравиясы, БАЭ, Катар, Кувейт, Оман жана Бахрейнден 70тен ашык эксперттер бир аянтка чогулушат. Ага катышууга GCC Секретариатынын, дипломатиялык корпустун жана бизнес-коомчулуктун өкүлдөрү да чакырылган.

Форумдун негизги темалары саясий диалогду бекемдөө, аймактык коопсуздукту камсыз кылуу боюнча биргелешкен мамиле, соода-экономикалык байланыштарды өнүктүрүү, жашыл энергетика жана транспорт инфраструктурасын камтыйт.

Форумдун жыйынтыгында эки облустун аналитикалык борборлорунун кызматташуусу боюнча меморандумдарга кол коюу, ошондой эле биргелешкен билдирүүнү кабыл алуу пландалууда. Бул макулдашуулар мындан аркы өз ара аракеттенүү жана Самаркандда өтө турган “БА-ГСС” форматындагы лидерлердин экинчи саммитине даярдык көрүү үчүн негиз болот.

Форумду Өзбекстандын президентине караштуу Стратегиялык жана аймактар аралык изилдөөлөр институту жана Сауд Арабиясынан Перс булуңун изилдөө борбору уюштурууда.