Кыргыз Республикасынын Өзбекстандагы МЭК алдындагы Соода өкүлчүлүгү Өзбекстан Республикасынын Улуттук статистика комитетинин төрагасынын орун басары менен жумушчу жолугушуу өткөрдү.

Жолугушуунун жүрүшүндө тараптар эки өлкөнүн статистикалык маалыматтарындагы айырмачылыктарды талкуулап, өз ара соода жүгүртүүнү 2 миллиард долларга жеткирүү боюнча биргелешкен ыкмаларды иштеп чыгуунун маанилүүлүгүн баса белгилешти. Бул көрсөткүч 2025-жылдын 10-июнунда Кыргыз Республикасынын Министрлер Кабинетинин Төрагасы Адылбек Касымалиев менен Өзбекстандын Премьер-министри Абдулла Ариповдун Ташкентке болгон расмий иш сапарынын алкагында макулдашылган Жол картасында бекитилген.

Диалог конструктивдүү маанайда өттү, бул Кыргызстан менен Өзбекстандын ортосундагы экономикалык кызматташтыкты өнүктүрүүгө жана тереңдетүүгө эки тараптын тең кызыкчылыгын айгинелейт.