Ташкенттин айрым базарларында текшерүү учурунда керектөө үчүн жараксыз продукциялар табылган. Санитардык-эпидемиологиялык бейпилдик жана коомдук саламаттыкты сактоо комитетинин Ташкент шаардык башкармалыгынан билдиришкендей, адистер Мирабад базарында жана «Бешкурган» ЖЧКсына тиешелүү базарда санитардык текшерүү жүргүзүшкөн.

Текшерүүнүн жыйынтыгында 12 кг банан, 58 кг помидор, 23 кг болгар калемпири, 5 кг шабдалы жана 5 кг түстүү капуста алынган. Бул продуктылар органолептикалык касиеттери өзгөргөндүктөн керектөөгө жараксыз деп табылган.

Санитардык-эпидемиологиялык комитет буга чейин да жарандарды жол жээктеринде дарбыз жана коон сатып албоого чакырган. Комитеттин маалыматы боюнча, жол жээгиндеги күркөлөрдө сатылган жашылча-жемиштердин курамында унаанын түтүктөрүнөн сиңген уулуу заттар болушу мүмкүн, бул ден соолукка терс таасирин тийгизет.

Текшерүүлөр уланып, адистер жарандарды сатып алган продукциясынын сапатына көңүл бурууга чакырат.

Сүрөт: Pixabay.com/shauking