Бохтарда желим калдыктарын кайра иштетүүчү завод курулат. Бул тууралуу шаар төрагасы Абдумажид Муминзод 1-августта өткөн маалымат жыйынында билдирди. Долбоордун баасы 1 миллион долларды түзөт.

Полигон маселеси көптөн бери абдан курч болуп келген. «Бохтар» муниципалдык ишканасынан билдиришкендей, шаарда таштанды ташуучу унаалар жана башка атайын техникалар жетишсиз болгондуктан, ишкана көп көлөмдөгү таштандыларды көтөрө албай, аны шаардык таштанды таштоочу жайга ташууга үлгүрбөй келет.

Анализге ылайык, таштандынын 50%ы желим болуп, өлкөнүн экологиясына өтө зыяндуу. Ошондуктан абалды жеңилдетүү үчүн атайын кайра иштетүүчү завод куруу чечими кабыл алынды. Бохтар башчысы ошондой эле мэрия таштандынын башка түрлөрүн иштете турган ишканаларды куруу боюнча кошумча долбоорлорду карап жатканын кошумчалады.

Сүрөт: ачык булактардан