Душанбе, 29-август, – Караван инфо маалымат агенттиги.2025-жылдын 26-августунда Бириккен Улуттар Уюмунун Башкы Ассамблеясынын Нью-Йорк шаарында өткөн 79-сессиясында “БУУ менен КМШнын кызматташтыгы” аттуу резолюция кабыл алынган. Документ долбоорунун демилгечиси 2025-жылы Көз карандысыз Мамлекеттер Шериктештигине төрагалык кыла турган Тажикстан болду.

Резолюцияда КМШнын соода-экономика, статистикалык жана экономикалык маалыматтар менен алмашуу, маданият, билим берүү, саламаттыкты сактоо, спорт, туризм, илим жана инновациялар, курчап турган чөйрөнү коргоо, табигый жана техногендик кырсыктардын кесепеттерин жоюу, ошондой эле уюшкан кылмыштуулукка, баңги заттарды мыйзамсыз жүгүртүүгө, терроризмге, экстремизмге каршы күрөшүү өңдүү чөйрөлөрдөгү аймактык кызматташтыкты чыңдоодогу активдүү ролу белгиленет.

Документте ошондой эле БУУ менен КМШнын кызматташтыгын кеңейтүү Бириккен Улуттар Уюмунун максаттарын жана принциптерин илгерилетүүгө өбөлгө түзөрү белгиленген. Шериктештик БУУнун тутумунун институттары, программалары жана фонддору менен өз ара аракеттенүүнү тереңдетүүгө даяр.

Эл аралык финансы институттарына жана БУУнун адистештирилген агенттиктерине КМШ менен кызматташууну активдештирүү сунушталат.

Резолюциянын кабыл алынышы Көз карандысыз Мамлекеттер Шериктештиги эл аралык тынчтыкты жана коопсуздукту, туруктуу социалдык-экономикалык өнүгүүнү жана адам укуктарын коргоону камсыздоодо БУУнун ишенимдүү өнөктөшү бойдон кала берерин көрсөтөт.

СУРОТТв: КМШ Аткаруу комитетинин саясий, гуманитардык жана социалдык чейрелерде кызматташ-тык белуму.