Душанбе, 13-июнь, – «Караван Инфо» МА.11-июнда Тажикстан Республикасынын Премьер-министри Кохир Расулзода КМШга мүчө мамлекеттердин темир жол транспорту боюнча кеңешинин төрагасы, «Россия темир жолу» ААКсынын башкы директору Олег Белозеров менен жолугушту.

Кохир Расулзода Тажикстандын КМШдагы төрагалыгынын артыкчылыктуу багыттарын, атап айтканда, экономикалык жана транспорттук өз ара байланышты чыңдоо жана логистикалык байланыштарды өнүктүрүү зарылдыгын эске салып, Душанбеде КМШга мүчө-мамлекеттердин Темир жол транспорту боюнча кеңешинин 82-отурумун өткөрүү темир жол транспортун өнүктүрүү чөйрөсүндөгү эң маанилүү маселелерди талкуулоо үчүн жагымдуу шарттарды түзөрүн баса белгиледи.

Бул контекстте заманбап геоэкономикалык чакырыктар КМШ өлкөлөрүнөн туруктуу, ишенимдүү жана натыйжалуу транспорттук инфраструктураны өнүктүрүү боюнча күч-аракеттерин тыкыр координациялоону талап кылаары белгиленди.

Мындан тышкары, Тажикстандын жана Борбордук Азия чөлкөмүнүн темир жол тармагынын потенциалын жогорулатуу боюнча кызматташууну кеңейтүү маселелери, ошондой эле аны деңиз коридорлору жана дүйнөлүк рыноктор менен интеграциялоо жолдору боюнча пайдалуу пикир алмашуу болду.

ФОТО:ачык булактардан