Мамлекет башчысы Эмомали Рахмондун текстиль ишканасын жана байпак фабрикасын түзүү, ошондой эле 600 адамды жумуш менен камсыз кылуу боюнча тапшырмасынын алкагында Согди облусунун Ашт районунда байпак буюмдарын чыгаруучу фабриканын курулушу активдүү уланууда. Ата мекендик ишкерлер тарабынан колдоого алынган бул демилге аймак үчүн да, бүтүндөй өлкө үчүн да орчундуу окуя болоорун убада кылууда.

Райондун басма сөз кызматы билдиргендей, жаңы фабриканы ишке киргизүүдө аялдар жана кыздар үчүн жаңы жумуш орундарын түзүүгө негизги көңүл бурулат. Алар ыцгайлуу жумушчу мейкиндигин, заманбап жабдууларды жана натыйжалуу иштөө үчүн бардык зарыл шарттарды табат.

«Заводдо жумушчулар жана адистер үчүн бардык шарттар түзүлгөн, жумушчуларды ташуу үчүн кызматтык унаалар, заманбап линиялар өз убагында жана сапаттуу продукция чыгарууга шарт түзөт», – деп белгилешти район жетекчилиги.

Фабриканын суткалык кубаттуулугу 30 миң жуп байпак чыгарууга мумкундук бере тургандыгы пландаштырылган. Компаниянын продукциясынын негизги бөлүгү Россияга жана башка Борбор Азия өлкөлөрүнө кетет.

Өндүрүштүн өзгөчөлүгү ата мекендик сырьену колдонуу болуп калат, бул жергиликтүү экономиканын өнүгүшүнө өбөлгө түзөт.

Ашт шаарында байпак фабрикасын куруу демилгеси 2022-жылы Тажикстан Республикасынын Президенти Эмомали Рахмондун жеке катышуусу менен башталган. Бул долбоор аймактагы текстиль өнөр жайын өнүктүрүүдө жана жергиликтүү калк үчүн кошумча жумуш орундарын түзүүдөгү маанилүү кадам болуп саналат.

Сүрөт: Ашт районунун басма сөз кызматы