2025-жылдын 14-сентябрында Тажикстандын аскер контингенти “Чек-2025” командалык-штабдык машыгууларына катышуу үчүн КР Коргоо министрлигинин 20636-аскер бөлүгүнүн аймагына келди.

Контингент салттуу боорсок менен жылуу тосуп алып, жатакана менен тааныштырылды.

Белгилей кетсек, машыгуулар 2025-жылдын 17-сентябрынан 20-сентябрына чейин 20636-аскердик бөлүктүн полигонунда Борбордук Азия өлкөлөрүнүн ыкчам аракеттенүү бөлүктөрүнүн катышуусунда өткөрүлөт. ЖККУга мүчө-мамлекеттердин контингенттеринин машыгуу өтүүчү жерге келүүсү 17-сентябрга белгиленген.