2024-жылдын 25-июлунда Бишкекте Шанхай кызматташтык уюмуна мүчө-мамлекеттердин башкы прокурорлорунун 22-жыйыны болуп өттү. Иш-чарага Башкы прокурор Юсуф Рахмон баштаган Тажикстан Республикасынын Башкы прокуратурасынын делегациясы катышты.

Иш-чарага Кыргыз Республикасынын Президенти Садыр Жапаров өзү катышып, анын бардык катышуучуларына салам айтты.

Жолугушуунун жүрүшүндө прокуратура органдарынын иш-милдеттери жана ролу боюнча пикир алмашуу болуп, прокурордук ишмердүүлүккө заманбап технологияларды киргизүүгө жана колдонууга өзгөчө басым жасалды.

Тажикстан Республикасынын Башкы прокурору Юсуф Рахмон «Заманбап дүйнөдө жана санариптештирүү доорунда прокуратуранын ролу: жаңы коркунучтарга каршы күрөшүүдө жана адам укуктарын камсыздоодо Тажикстан Республикасынын прокуратурасынын тажрыйбасы» деген темада сөз сүйлөдү. ” Ал терроризмге жана киберкылмыштуулукка каршы күрөшүүдө мамлекеттик укук коргоо органдарынын мыкты тажрыйбасын белгиледи.

Сүрөт: Кабар