Өзбекстандын жашылча-жемиш азыктары жакында Швеция, Норвегия жана Даниянын дүкөн текчелеринде пайда болушу мүмкүн. Экспорт менен алектенген өзбекстандык ишкерлерден турган делегация бул өлкөлөргө барып, жергиликтүү компаниялар жана соода түйүндөрү менен сүйлөшүүлөрдү жүргүздү.

Өзбекстан Республикасынын элчилигинин демилгеси менен “Universal Freezen Foods”, “Uzterminal” жана “Baltic Shipping” компанияларынын өкүлдөрү “Matvärlden”, “Food Collective Company”, “Alwaid”, “Qlok Bygg AB”, “Exotic Fruits Company” компаниялары менен жолугушуп, Өзбекстандын продукциясын жылдыруу боюнча макулдашууларга жетишти.

Атап айтканда, кургатылган лагман, тоңдурулган алча, кара өрүк, брокколи, ошондой эле тоңдурулган жана таңгакталган анар, коон, алча сыяктуу жашылча-жемиштерди жеткирүү маселеси талкууланды. Мындан тышкары Швецияда жана Норвегияда соода үйлөрүн (салондорду) түзүү пландаштырылууда.