Астана, 2026-жылдын 31-марты – Karavan Info маалымат агенттиги. Президент Касым-Жомарт Токаев Казакстандын Коопсуздук кеңешинин жыйынын өткөрдү. 2021–2025-жылдарга карата Улуттук коопсуздук стратегиясын ишке ашыруунун жыйынтыктары чыгарылды. Өкмөт негизги көрсөткүчтөргө жетишүү боюнча отчет берди.
Мамлекет башчысы геосаясий кырдаалды эске алуу менен социалдык, экономикалык, экологиялык, суу жана азык-түлүк коопсуздугу маселелерин андан ары чечүү зарылдыгына көңүл бурду.
2026–2030-жылдарга карата Улуттук коопсуздук стратегиясынын долбоору каралып чыкты. Документте алдыдагы беш жыл ичиндеги негизги көйгөйлөрдү чечүүнүн ыкмалары белгиленет. Улуттук экономика министринин орун басары Серик Жумангарин артыкчылыктуу багыттар, максаттуу индикаторлор жана стратегиялык тобокелдиктерди башкаруу механизмдери менен тааныштырды.
Токаев жаңы Конституциянын кабыл алынышы мамлекеттүүлүктү өнүктүрүүнүн жаңы этабын белгилеп, көз карандысыздыкты, эгемендүүлүктү жана аймактык бүтүндүктү коргоону камсыз кылаарын баса белгиледи. Стратегия конституциялык принциптерди коргоого жана туруктуу өнүгүү үчүн шарттарды түзүүгө багытталган.
Президент улуттук кызыкчылыктарды коргоо, коргонуу жөндөмдүүлүгүн камсыз кылуу, жарандардын жана айлана-чөйрөнүн коопсуздугун жогорулатуу, киберкоопсуздукту чыңдоо жана социалдык-экономикалык чөйрөдөгү тобокелдиктерди азайтуу боюнча милдеттерди сапаттуу аткаруу зарылдыгын баса белгиледи.
Токаев экономиканын, технологиянын жана билим берүүнүн жогорку суроо-талапка ээ тармактарына квалификациялуу чет элдик адистерди өлкөгө тартуу программасын иштеп чыгууну тездетүүнү тапшырды.
Сүрөт : Акорда