ООГАНИСТАН, 2026-жылдын 21-февралы – Karavan Info маалымат агенттиги. Бириккен Улуттар Уюмунун Ооганстандагы миссиясы (UNAMA) Эл аралык социалдык адилеттүүлүк күнүнө карата жасаган кайрылуусунда коомдун жарымы билим берүүдөн ажыратылса, эч бир өлкө социалдык адилеттүүлүктү алга жылдыра албайт деп билдирди.

Басма сөз билдирүүсүндө туруктуу тынчтык коомдун бардык тармактарынын – аялдардын, жаштардын, азчылыктардын жана ден соолугунун мүмкүнчүлүктөрү чектелүү адамдардын – чечим кабыл алуу процессине активдүү катышуусу менен гана мүмкүн экени баса белгиленет.

Ооганстанда билим берүү жаатындагы чектөөлөр уланып жаткан учурда, 20-февраль Эл аралык социалдык адилеттүүлүк күнү катары белгиленди.

Өз кезегинде Бириккен Улуттар Уюмунун Балдар фонду (ЮНИСЕФ) Ооганстанда төрт миллионго жакын баланын билим алуу мүмкүнчүлүгү жок экенин билдирди.

Сүрөт: Guardian