КЫТАЙ, 31-август, 2025-жыл – Караван Инфо маалымат агенттиги. Орусиянын президенти Владимир Путин Кытайдын төрагасы Си Цзиньпиндин чакыруусу менен Кытайга расмий сапар менен келди. Орус лидеринин учагы 31-августта эртең менен Тяньцзинь шаарындагы Бинхай аэропортуна конду.

Путиндин сапары төрт күнгө, 31-августтан 3-сентябрга чейин созулат.Ал Шанхай Кызматташтык Уюмунун Тяньцзинь шаарында өтүүчү саммитине жана Пекинде Экинчи дүйнөлүк согуштун аяктаганынын 80 жылдыгына арналган аскердик парадга катышат.

Кытайдын Синьхуа маалымат агенттигине берген маегинде Путин саммит ШКУнун заманбап чакырыктарга жооп берүү жөндөмүн бекемдеп, адилеттүү көп полярдуу дүйнөлүк тартипти калыптандырууга жардам берерин айтты.

Сүрөт: Ачык булактар