БИШКЕК, 2026-жылдын 3-марты – Karavan Info маалымат агенттиги. Ысык-Көлдүн уникалдуу жаратылыш чөйрөсүн сактоого арналган толук метраждуу даректүү тасманын үстүндө иш жүрүп жатат. Тасма президенттин көлдүн айлана-чөйрөсүн коргоо боюнча кечиктирилгис чаралар жөнүндөгү жарлыгына ылайык тартылууда.

Тасманын максаты – Ысык-Көлдүн азыркы экологиялык абалына жана аны коргоо үчүн натыйжалуу чараларды көрүү зарылдыгына көңүл буруу.

"Кыргызтелефильмдин" тартуу тобу Балыкчы, Чолпон-Ата жана Каракол шаарларына барып, инфраструктуранын олуттуу жакшырышын, агынды сууларды тазалоочу жайлардын курулушун жана туризм тармагынын динамикалуу өнүгүшүн документтештирди.

Мындан тышкары, тасмада браконьерликке каршы активдүү күрөшүп жаткан атайын кызматтардын ишмердүүлүгү жөнүндө баяндалат.

Сүрөт: Кинематографисттер союзу