Дүйшөмбү, 13-сентябрь, – «Караван Инфо» МА.Тажикстандын борборунда Тажикстан Республикасынын Башкы прокурору Хабибулло Вохидзода менен АКШнын Тажикстандагы атайын жана ыйгарым укуктуу элчиси Мануэл Микаллер менен жолугушуу болуп өттү. Жолугушуунун жүрүшүндө эки тараптуу укуктук кызматташуу жана заманбап чакырыктар жана коркунучтар боюнча тажрыйба алмашуу талкууланды.

Тараптар кызматташтыктын азыркы абалын талдап чыгышты жана аны мындан ары енуктурууге ездерунун умтулгандыктарын ырасташты. Терроризмге, экстремизмге жана киберкылмыштуулукка каршы биргелешкен аракеттерге, ошондой эле аймактагы коопсуздукту жана туруктуулукту камсыз кылуу боюнча укуктук кызматташуу механизмдерин чыңдоого өзгөчө көңүл бурулду.

Сүйлөшүүлөрдүн жүрүшүндө тараптар маалымат жана тажрыйба алмашуунун конкреттүү багыттарын, анын ичинде жаңы коркунучтарды аныктоо жана алдын алуу, ошондой эле укуктук жана криминологиялык чөйрөлөрдө кызматташууну талкуулашты.

Башкы прокурор менен АКШнын элчиси эки өлкөнүн укук коргоо жана сот органдарынын ортосундагы координациянын маанилүүлүгүн баса белгилешти.

Жолугушуу өз ара түшүнүшүү кырдаалында өтүп, тараптар эки тараптуу кызматташууну тереңдетүү боюнча мындан аркы кадамдарды, анын ичинде биргелешкен иш-чараларды, тренингдерди жана укук коргоо органдарынын кызматкерлеринин кесиптик потенциалын жогорулатуу боюнча консультацияларды өткөрүү боюнча макулдашышты.

Тажикстан менен АКШнын бул жааттагы кызматташтыгы аймактык коопсуздуктун жана стабилдүүлүктүн негизги элементи катары каралып, заманбап коркунучтарга каршы күрөштө ишенимди бекемдөөгө жана аракеттерди натыйжалуу координациялоого көмөктөшөт.

СУРОТТв: Тажикстан Республикасынын Башкы прокуратурасы