Кыргыз Республикасынын Жаратылыш ресурстары, экология жана техникалык көзөмөл министрлиги Өнөр жай, энергетика жана жер казынасын пайдалануу мамлекеттик комитетинин 2018-жылдын 24-апрелиндеги № 01-7/203 “Тоо-кендерди ачык жол менен казып алуунун өндүрүштүк процесстеринин коопсуздук эрежелерин бекитүү тууралуу” буйругуна өзгөртүүлөрдү киргизүү тууралуу буйруктун долбоорун даярдады.

Долбоордун максаты – коопсуздук эрежелерин “Кооптуу өндүрүштүк объекттердин өнөр жай коопсуздугу жөнүндө” мыйзамга ылайык келтирүү жана алыскы аймактарда нөөмөт ыкмасын колдонуу менен жер казынасын пайдалануучулардын ишинин өзгөчөлүктөрүн эске алуу. Долбоор нөөмөт алдындагы жана сапар алдындагы медициналык кароонун так аныктамаларын киргизип, жалпы пайдалануудагы жолго чыкпастан карьер ичиндеги транспорттордо иштеген жумушчуларды күнүмдүк ашыкча текшерүүнү жокко чыгарат, жергиликтүү шарттарды эске алуу менен карьер ичиндеги жолдордо унаалардын кыймылынын ылдамдыгын жана тартибин жөнгө салат.

Жаңылыктардын натыйжасында медициналык көзөмөлдү оптималдаштыруу, ишканаларга административдик жүктү азайтуу, эмгек мыйзамдарын сактоо жана өндүрүш процесстеринин коопсуздугун жогорулатуу пландаштырылууда.

Долбоор коопсуздук эрежелеринин 100 жана 152-пункттарына өзгөртүүлөрдү киргизүүнү, анын ичинде жол баракчаларын даярдоо жана карьерлердин аймагында транспорт каражаттарынын ылдамдыгын чектөө боюнча түшүндүрмөлөрдү камтыйт.