2025-жылдын башынан бери республиканын бардык категорияларындагы чарба жүргүзүүчү субъекттери тирүү салмакта 98,4 миң тонна эт өндүрдү, бул өткөн жылдын тийиштүү мезгилине салыштырмалуу 2582 тоннага же 2,7%га көп. Бул тууралуу Айыл чарба министрлиги билдирди.

Ведомствонун маалыматы боюнча, республиканын бардык аймактарында эт өндүрүү негизинен малдын жана үй канаттууларынын санынын өсүшүнүн эсебинен өскөн.

2024-жылдын аягына карата бодо малдын саны өткөн жылга салыштырмалуу 1,5%, кой-эчки 1%, жылкы 2%, үй канаттууларынын саны 10,6% өскөн.