2025-жылдын январь-июнь айларында Кыргызстанда айыл, токой жана балык чарба объектилерин курууга инвестициянын көлөмү 1,4 эсеге өстү. Улуттук статистикалык комитеттин маалыматы боюнча, каржылоо негизинен республикалык жана жергиликтүү бюджеттердин, калктын каражатынын, тургундардын кайрымдуулук жардамынын, ошондой эле банк кредиттеринин эсебинен ишке ашырылган.

Бул мезгилде 1,7 км жээкти коргоочу курулуштар жана 0,2 км селге каршы курулмалар пайдаланууга берилди.

Мында тоо-кен объектилерин курууга инвестициянын көлөмү 7,6%га кыскарса, өндүрүш объекттерин курууга инвестициянын көлөмү 2,2 эсеге өскөн. Керамикалык плиткаларды, асфальт-бетонду, кондитердик жана кийим-кечелерди чыгаруу боюнча кубаттуулуктар ишке киргизилди.

Мындан тышкары, электр энергиясы, газ, буу жана кондициялоочу объектилердин курулушуна инвестициянын көлөмү 33,8%га кыскарса, суу менен камсыздоо, таштандыларды тазалоо жана кайра иштетүү объекттерин куруу 0,7%га өскөн.

Чекене соода объектилерин курууга инвестициялар да 14% азайса, транспорттук инфраструктурага инвестиция 7,7%га өскөн. Жалпы узундугу 2,7 километр келген райондук жана жергиликтуу жацы автомобиль жолдору, 5,55 километр келген чарбалар аралык айыл чарба жолдору, ошондой эле сыйымдуулугу 1,5 миц тонна картошка, жашылча жана жемиш сактоочу жайлар пайдаланууга берилди.

Мейманканаларды жана ресторандарды курууга инвестициялар 5,2 эсеге, маалымат жана байланыш объекттерине – 1,4 эсеге, билим берүүгө – 14,8%га, саламаттыкты сактоого – 2,9 эсеге, искусство, оюн-зоок жана эс алуу чөйрөсүнө – 2,8 эсеге өскөн.