Кыргыз Республикасынын Экономика жана финансы министрлигинин басма сөз кызматынын расмий билдирүүсүнө ылайык, өлкөдөгү бардык ишкердик субъекттердин 98,8% чакан ишканалар болуп саналат, алар бюджетке 13% салыктык түшүүлөрдү алып келет. Орто жана ири ишканалар 0,6% бирдей үлүштү ээлейт, алар тиешелүүлүгүнө жараша салыктык түшүүлөрдүн 5,6% жана 81,4% түзөт.

Бул тууралуу Экономика жана коммерция министрлигинин Салык саясаты башкармалыгынын начальниги Кубанычбек Ысабеков билдирди. Ошондой эле ал Кыргыз Республикасынын Салык кодексине жана чакан жана орто бизнес үчүн салык режимдерине киргизилген жаңы өзгөртүүлөргө токтолду.

К.Ысабеков Бишкектин каржы рыногу атайын реестрге кирүүгө даярдалып жаткандыгын, ал үчүн жылдык жүгүртүү 100 млн сомдон ашпаган шартта түшкөн акчанын 0,1% өлчөмүндө бирдиктүү салыктын эң минималдуу ставкасы каралгандыгын белгиледи.

Ошондой эле Кыргыз Республикасынын Президенти тарабынан 2023-жылы кол коюлган «Жеке жактардын активдерин ыктыярдуу легалдаштыруу жана мунапыс берүү жөнүндө» мыйзамга ылайык жеке адамдар үчүн активдерди легалдаштыруу мүмкүнчүлүгү белгиленди, анда 2023-жылдын 1-январына карата активдерди легалдаштыруу каралган.

Бизде бар маалыматтар боюнча, 2 миңден ашуун жаран мыйзамдан пайдаланып, атайын декларация толтурушкан. Алардын ичинен 66 ишкердин активдери 100 миллион сомдон ашып, 1 миллион сом өлчөмүндө бир жолку төлөм төлөшкөн.