Кыргызстандын ЭЭК өкүлдөрү Самаркандда өткөн 11-Азия-Тынч океан форумуна катышты

Кыргыз Республикасынын Экономика жана коммерция министрлигинин өкүлдөрү апрель айынын башында Самарканд шаарында өткөн Азия-Тынч океан соодасын жеңилдетүү боюнча 11-форумга (APTFF) катышты.

Алсак, Кыргыз Республикасынын Экономика жана коммерция министрлигине караштуу Тышкы соода чөйрөсүндөгү «ЦЕО» мамлекеттик ишканасынын башкы директору Азамат Усенбаев «Инновацияга умтулуу: санариптик соода процедураларын жөнөкөйлөштүрүүнүн маанилүү компоненттери» панелдик сессиясына катышты. .” Ал санариптештирүү боюнча “бүтүн мамлекеттик мамиленин” маанилүүлүгүн, ошондой эле санариптештирүү аракеттерин комплекстүү карап чыгуу, тартипке келтирүү жана артыкчылыктуу багыттарды аныктоо зарылдыгын белгиледи.

Ошондой эле, КР МЭК өкүлдөрү СПЕКА (Борбордук Азиянын экономикасы үчүн Бириккен Улуттар Уюмунун атайын программасы) жумушчу тобунун соода боюнча он тогузунчу сессиясына катышты. Иш-чаранын жүрүшүндө Жумушчу топтун планын ишке ашыруунун жүрүшү жана СПЕКАга мүчө мамлекеттерде санариптик сооданы илгерилетүү маселелери каралды. Тараптар туруктуу өнүгүү жана сооданы жеңилдетүү боюнча ар бир өлкөнүн стратегияларын жана пландарын талкуулашты.

Жалпысынан форумга 30 өлкөдөн 250дөн ашык чет элдик коноктор, анын ичинде 10 эл аралык уюмдун өкүлдөрү катышты.