Өткөн жумада өнөр жай жана курулуш вице-министри Жаннат Дубирова Фуцзянь провинциясынын губернаторунун орун басары Ван Цзиньфу менен жолугушту.

Жолугушууда тараптар Фуцзянь провинциясынын компанияларынын Казакстандын өнөр жайын өнүктүрүүгө катышуусунун маселелерин талкуулашты.

Атап айтканда, Казакстан электролиз заводу, Актогай жана Бозшакөл сыяктуу долбоорлорду ишке ашыруу боюнча NFC компаниясы менен өз ара аракеттенүүнүн оң тажрыйбасын эске алуу менен, кытай тарапка Казакстанда электромобилдер үчүн литий-иондук аккумуляторлорду чыгаруу боюнча сунуш түшкөн.  Мындан тышкары курулуш, пайдалуу кендерди казып алуу жана өнөр жай кооперациясы жаатында кызматташуу мүмкүнчүлүктөрү каралды.

Актогай – бул 25 жылга жакын калган иштөө мөөнөтү менен ачык түрдө ири масштабдуу жез кени.

Бозшакөл – Казакстандын түндүгүндө Павлодар облусунда, Экибастуз шаарына баш ийген аймакта жайгашкан жез кени.

Азыр республикада машина куруу өнөр жайы активдуу өнугуп жатат. JAC, YUTONG, LOVOL, YTO, DONG FENG жана Golden Dragon компанияларынан автомобилдерди, автобустарды жана жабдууларды чыгаруу боюнча биргелешкен казак-кытай долбоорлору ишке ашырылууда.

Ошондой эле Кытайдын China Glass Int. компаниясы менен өнөктөштүктүн негизинде айнек өндүрүшүн, өнөктөшү кытайлык CNCEC ири компаниясы болгон полипропилен өндүрүү боюнча газ-химиялык комплексин ишке киргизүүнү да белгилей кетүү керек.