Кытай Эл Республикасынын Сямынь шаарында Тажикстандын Улуттук Олимпиада комитети менен Кытайдын “361” компаниясынын ортосунда демөөрчүлүк келишимине кол коюлду.

Тажикстандын Улуттук маалымат агенттиги билдиргендей, кол коюуга Тажикстандын Улуттук Олимпиада комитетинин Вице-президенти жана «361» компаниясынын биринчи жетекчиси катышты.

Документке ылайык, «361» компаниясы 2024-жылы Парижде өтө турган 33-жайкы Олимпиада оюндарында Тажикстан Республикасынын олимпиадалык делегациясын расмий жана спорттук кийимдер менен камсыздайт.

Буга чейин “361” компаниясы 2022-жылы Ханчжоу шаарында өтүүчү Азия оюндарында Тажикстандын курама командасын спорттук кийимдер менен камсыз кылган.