Минскіде ТМД Сыртқы істер министрлерінің кеңесі өтті

Өткен аптада Минскіде (Беларусь) Тәуелсіз Мемлекеттер Достастығы Сыртқы істер министрлері кеңесінің (СІМК) отырысы өтті. Қазақстаннан Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу бастаған делегация келді.

Кездесуде тараптар өңірлік және халықаралық жағдайдың өзекті мәселелерін талқылап, ТМД аясындағы ынтымақтастықтың келешегін бағалады.

Сондай-ақ ұйымның жұмыс істеу мәселелері қаралды, қатысушылар Сыртқы саясат ведомстволары арасындағы әріптестікті арттыру жөніндегі іс-қимыл бағдарламасын іске асыру барысы туралы зерделеді және Достастық елдеріне жіберілген делегациялардың Құқықтық мәртебесі туралы конвенцияны бекітті.

Отырыс нәтижесінде Алматы қаласын 2026 жылы ТМД спорт астанасы деп жариялау туралы шешімге қол қойылды.

Фото: ТМД Атқару комитетінің сайты