Украина қарулы күштері Ресейдің Севастополь қаласына зымыран атып, салдарынан бес кісі қаза тауып, 140-тан аса адам жараланды. Зардап шеккендердің басым бөлігі жергілікті жағажайларға барған тұрғындар болуы мүмкін.

Ресей билігі қаза болғандар арасында үш бала бар екенін хабарлады. Шабуылдан кейін 144 адам дәрігер көмегіне жүгінді, олардың 82-сі ауруханаға жатқызылды. Зардап шеккен 13 адамның жағдайы ауыр деп хабарлады министрлік. Қаза тапқандар арасында Магадан мэрінің орынбасары Олег Аверьяновтың 9 жасар София есімді қызы бар.

Ресей тергеу комитеті шабуылға байланысты қылмыстық іс қозғады. Ресей қорғаныс министрлігі бес ATACMS ракетасымен «қасақана террористік зымыран шабуылы» жасалды деп мәлімдеді. Министрлік шабуылға Вашингтонды жауапты деп айтты, өйткені «америкалық ATACMS жедел-тактикалық зымырандарына ұшу тапсырмасының бәрін АҚШ-тың спутник барлау деректеріне сүйеніп америкалық мамандар енгізеді» деп хабарлады.