ҚР Сыртқы істер министрлігінде ҚР Сыртқы істер министрінің орынбасары Әлібек Бақаев пен Шри-Ланка Сыртқы істер министрінің бірінші орынбасары Аруни Виджеварданенің кездесуі өтті.

Кездесуде тараптар екіжақты ынтымақтастықты дамыту мәселелерін талқылады, сондай-ақ халықаралық және өңірлік күн тәртібіндегі өзекті мәселелер бойынша пікір алмасты.

Екі елдің саяси, сауда-экономикалық және мәдени-гуманитарлық салалардағы өзара іс-қимылын нығайтуға ұмтылысы атап өтілді.

Қазақстан-Шри-Ланка кездесуінің қорытындысы бойынша Коломбо мен Астана Астанада Шри-Ланка елшілігін ашу мүмкіндігін қарастыруға ниетті. Бұл Шри-Ланканың Орталық Азиядағы алғашқы елшілігі болмақ.