Түркияның ірі компаниясы Өзбекстанда дәнді бұршақ дақылдарының өндірісін арттырғысы келеді

Наурыз айының соңында Өзбекстан Республикасы ауыл шаруашылығы Министрінің орынбасары Алишер Шукуров Түркиядағы ең ірі компаниялардың бірі «Arbel Group» компаниясының өкілдерімен кездесті.

Ауыл шаруашылығы министрлігі баспасөз қызметінің хабарлауынша, тараптар Өзбекстаннан Ресей, Түркия және Орталық Азияның басқа да елдеріне бұршақ дақылдарын өсіру және экспорттау бойынша бірлескен жоба құруды талқылады.

Бұл жобаны жүзеге асыру Өзбекстанды дүние жүзіндегі дәнді бұршақ дақылдарының ең ірі экспорттаушысына айналдырады. Оны жүзеге асырудың ең оңтайлы жері ретінде Навои облысы анықталды.

Өз кезегінде А.Шукуров Өзбекстан Республикасы Ауыл шаруашылығы министрлігі аталған жобаны жүзеге асыруға жан-жақты көмек көрсетуге дайын екенін жеткізді.