Беларусь Республикасында жаңа сын-қатерлер мен қауіп-қатерлерге қарсы іс-қимыл мәселелері бойынша сімаралық консультациялар өтті. Іс-шараға ТМД-ға қатысушы мемлекеттерден басқа ТМД-ға қатысушы мемлекеттердің терроризмге қарсы орталығы мен ТМД Атқарушы комитеті қатысты.

Консультациялар барысында террористік қатерлерге баға беріліп, олардың қалыптасуының негізгі факторлары белгіленді. Азаматтарды радикалдандыру, жалдау жұмыстарын жүргізу және диверсиялық және террористік актілерді үйлестіру мақсатында интернет-кеңістік пен медиаресурстарды белсенді пайдалану атап өтілді.

Осыған байланысты, кездесуге қатысушылар осы бағыттағы ынтымақтастыққа және ақпараттық қарсы іс-қимыл саласында өкілеттіктері бар мемлекеттік билік органдарының әлеуетін арттыруға шақырды.

ТМД-ға қатысушы мемлекеттердің терроризмге қарсы орталығының жұмысы және терроризм мен экстремизмге қарсы күрес саласындағы ғылыми-зерттеу жұмысын жалғастырудың, сондай-ақ сарапшы-практиктер, ғылыми қоғам және ТМД елдерінің саясаттану орталықтары арасындағы байланыстарды кеңейтудің маңыздылығы жеке атап өтілді.

Фото: ТМД Интернет-порталы