Казакстан Республикасынын вице-премьер-министри – тышкы иштер министри Мурат Нуртлеу өлкөгө болгон иш сапарынын алкагында Тайланддын ири компаниялардын жетекчилери менен сүйлөшүүлөрдү өткөрдү.

М.Нуртлеу Really Cool Airlines компаниясынын президенти Пати Сарасин менен Казакстан менен Таиланддын ири шаарларынын ортосунда түз аба каттамдарын ачуу маселесин талкуулады. Бул кадам, визасыз режим боюнча келишимге кол коюлгандан кийин өлкөлөр ортосундагы мамилелердин өнүгүүсүнүн логикалык уландысы болот.

Казакстандын Тышкы иштер министрлигинин башчысы ошондой эле Thai President Foods компаниясынын жетекчиси Поджана Паниангвайт менен тамак-аш өнөр жайы тармагында өз ара аракеттенүү мүмкүнчүлүгүн карап чыкты. Казакстан бул компанияны өлкөнүн ички рыногуна, ошондой эле Борбордук Азия жана ЕАЭБ өлкөлөрүнө продукциясын жеткирүү үчүн аймактык логистикалык борбор катары карайт. Тараптар Казакстанда завод ачуунун келечегин да талкуулашты.

Sea Value компаниясынын жетекчиси Чанинтрам Чалисарапонг менен жолугушууда тай тараптын Казакстанга жана Борбор Азиянын башка өлкөлөрүнө деңиз азыктарын жеткирүү боюнча соода-дистрибютордук  борбор түзүү үчүн казак рыногуна инвестиция салуу ниети талкууланды.