Тажикстандын Экономикалык өнүгүү жана соода министри ОЭСРдин өкүлү менен жолугушту

Өткөн жуманын башында Экономикалык өнүгүү жана соода министри Завкизода Завки Амин менен Экономикалык кызматташтык жана өнүктүрүү уюмунун Евразиялык багытынын жетекчиси Уильям Томпсондун жолугушуусу болуп өттү.

Министр Тажикстанда өлкөнүн инвестициялык чөйрөсүн эл аралык стандарттардын талаптарына ылайыкташтыруу алкагында жүргүзүлүп жаткан экономикалык реформалар тууралуу айтып, өлкөнүн экономикалык өнүгүүсүндөгү жетишкендиктерге токтолду.

Алсак, З.Завкизоданын айтымында, өлкөдө 2023-жылы экономикалык өсүш 8,3 пайызды, акыркы 7 жылда 7,5 пайызды түздү. Инфляция 3,8 пайыз деңгээлинде сакталууда. ИДПда жеке сектордун үлүшү 70 пайыздан ашык, мамлекеттик бюджеттин киреше бөлүгү 85 пайызды түзүп, жумуш менен камсыз болгондордун дээрлик 90 пайызы жеке сектор тарабынан камсыздалганы айтылды. Ири энергетикалык долбоорлордун ичинен министр «Рогун» ГЭСинин эки агрегатын куруп, ишке киргизүүнү баса белгиледи.

Жолугушуунун жыйынтыгында З.Завкизода Экономикалык кызматташтык жана өнүктүрүү уюмунун Евразиялык багытынан Тажикстандагы бизнес жана инвестициялык климатты баалоо үчүн техникалык жардам көрсөтүүнү өтүндү.