ОСТОНА, 18 декабр 2025г. – АИ «Караван Инфо». Аз январ то сентябри соли 2025 ба минтақаҳои истироҳатгоҳи Қазоқистон 3,8 миллион нафар ташриф оварданд, ки ин нисбат ба ҳамин давраи соли гузашта 14 фоиз зиёд аст. Сайёҳони хориҷӣ 16,5% шумораи умумии истироҳаткунандагонро ташкил доданд, хабар доданд дар Бюрои омори миллӣ.

Аз рӯи маъруфият кластери кӯҳии Алмаато пешсаф буд, ки 2,2 миллион меҳмонро қабул кард. Мавқеи дуюмро минтақаи курортӣ Шучинск-Боровск бо нишондиҳандаи 373,1 ҳазор меҳмон ишғол кард. Дар чои сеюм минтақаи курортии Мангистау 308,8 ҳазор нафар ҷойгир аст.

Ба панҷ самти серталаб инчунин минтақаи сайёхии Балхаш дохил шуд, ки дар он 169,2 ҳазор нафар истироҳат карданд ва курортҳои Алакол дар вилояти Жетису, ки 147,1 ҳазор сайёхро қабул карданд.

Ҳаҷми умумии хизматрасониҳо дар ҷойҳои ҷойгиркунии минтақаҳои истироҳатӣ дар нӯҳ моҳ ба 154,7 миллиард тенге расид. Дар айни замон дар минтақаҳои курортӣ 1876 иншооти ҷойгиркунӣ фаъолият мекунанд.

Аксҳо: аз манбаъҳои кушода