Душанбе, 22 декабр, 2025 – АИ «Корвон Иттилоот».  Бекхан Сатторов, аспиранти Университети федералии Қафқози Шимолӣ аз Тоҷикистон, дар озмуни донишҷӯёни хориҷӣ «WOW! RUSSIA» ҳамчун беҳтарин дар номинаи «Таҳсил бе филтр» шинохта шуд.

Дар озмун 927 ариза аз донишҷӯёни 83 донишгоҳи Русия пешниҳод гардид. Дар натиҷаи интихоб 14 иштирокчӣ дар чор номина пирӯз шуданд. Ғолибон имконият пайдо мекунанд, ки дар маркази минтақавии иттилоотии ТАСС стажировка гузаронанд ва дар барномаи Росмолодёжи «Бештар аз саёҳат» иштирок кунанд.

Лоиҳаи Бекхан ба омӯзиши генетикаи ферментация дар айран бахшида шудааст.

«Мақсади ман — айранро боз ҳам муфидтар ва серопротеинтар гардондан аст. Умедворам, ки як рӯз маҳсулот бо технологияи ман дар рафҳои мағозаҳо пайдо мешавад», — гуфт аспирант.

Ин пирӯзӣ нишон медиҳад, ки донишҷӯёни Тоҷикистон дар илмҳои Россия фаъолона рушд мекунанд ва дар таҳқиқоти инноватсионӣ саҳми назаррас доранд.

АКС: Хонаи русӣ дар Душанбе