ОСТОНА, 11 сентябр АИ «Караван инфо». Қазоқистон ва Покистон ба амиқтар намудани ҳамкорӣ дар соҳаи кишоварзӣ нигаронида шудаанд. Дар ҷаласаи гурӯҳи кории муштарак дар Исломобод намояндагони ҶДММ “Продкорпоратсия” иқтидори содиротии кишварро муаррифӣ намуданд ва омодагии худро барои интиқоли гандум, ҷав, зироатҳои равғанӣ, наск ва равғани офтобпараст ба Покистон изҳор намуданд.

Ба гуфтаи Илдар Исмагулов, корпоратсия ҳар сол тақрибан 2 миллион тонна ғалла дорад, ки ба бастани шартномаҳои дарозмуддат ва кафолати ҳаҷми устувори интиқол имкон медиҳад. Қазоқистон инчунин, хариди форвардиро бо иштироки сармоягузорони хориҷӣ баррасӣ мекунад.

Ноиби вазири кишоварзӣ Ермек Кенжеханули таъкид намуд, ки ҳамкории аграрӣ бо Покистон динамикаи мусбат нишон медиҳад: дар 7 моҳи соли 2025 гардиши мол 22 фоиз афзуда, ба 19,4 миллион доллари ИМА расид. Асоси содиротро лӯбиёгиҳо, тухми зағир ва гречиха ташкил медиҳанд, аммо дурнамо тавсеаи таъминоти равғанҳо, маҳсулоти орд ва гӯштро дар бар мегирад.

Ҷонибҳо дар бораи сармоягузории муштарак, ҳамкории илмӣ ва рушди биотехнология мувофиқа намуданд. Дар натиҷаи мулоқот Протокол дар бораи ҳамкорӣ байни ВК ҶҚ ва Вазорати амнияти озуқавории Покистон ба имзо расид.

Аксҳо: Вазорати нақлиёти ҶҚ.