Женева, 26 феврали соли 2026 АИ «Караван инфо». Муовини аввали Вазири корҳои хориҷии Қазоқистон Ержан Ашикбаев дар сегментҳои сатҳи баланди сессияи 61-уми Шӯрои СММ оид ба ҳуқуқи инсон ва Конфронси безараргардонӣ дар Женева иштирок намуд.

Ашикбоев дар Шӯрои ҳуқуқи инсон ҷонибдории Қазоқистонро ба ҳимояи ҳуқуқи инсон тасдиқ намуд ва дар бораи ислоҳот дар доираи курси “Қазоқистони Одилона” хабар дод. Вай қайд намуд, ки лоиҳаи Конститутсияи нав ба ташаккули модели инсонмарказии давлат, васеъ намудани кафолатҳои ҳуқуқ ва озодиҳо, аз ҷумла дар фазои рақамӣ ва мустаҳкам намудани принсипи “Қонун ва Тартибот” равона шудааст.

Қазоқистон ташаббусҳои байналмилалиро муаррифӣ намуд: пешбурди ташаббуси Глобалӣ оид ба ҳуқуқи байналмилалии гуманитарӣ, фаъолияти Анҷумани пешвоени динҳои ҷаҳонӣ ва анъанавӣ, оғози маркази Минтақавии СММ оид ба ҲРУ дар Алмаато, баргузории саммити Минтақавии экологӣ ва таъсиси созмони байналмилалии об таҳти сарпарастии СММ.

Дар Конфронси беяроқгардонӣ Ашикбаев санаҳои ҷашни соли 2026-ро қайд намуд: 35-солагии баста шудани полигони Семипалатинск, 30-солагии кушодашавӣ ба имзои Шартнома дар бораи манъи ҳамаҷонибаи озмоишҳои ҳастаӣ ва 20-солагии шартномаи Семипалатинск дар бораи минтақаи озод аз силоҳи ҳастаӣ.

Қазоқистон омодагии худро барои мусоидат ба муколама дар конфронсҳои мушоҳидаи ДНЯО ва ДЗЯО тасдиқ намуд. Аҳамияти барқарор намудани муколамаи стратегӣ байни давлатҳои ҳастаӣ тибқи ташаббуси президент Токаев таъкид намуда шуд. Қазоқистон инчунин даъват ба таҳкими Конвенсияи силоҳи биологӣ ва таъсиси агентии Байналмилалии амнияти биологӣ намуд.

Аксҳо: ВКХ ҶҚ