Остона, 20 феврали соли 2026-АИ «Караван инфо». Президенти Қазоқистон Қасим-Жомарт Токаев дар Вашингтон дар ҷаласаи иноугуратсионии Шӯрои сулҳ суханронӣ намуд. Вай ба Президенти ИМА Доналд Трамп барои оғози макони нави байналмилалӣ ташаккур гуфт ва таъкид намуд, ки имрӯзҳо на эъломияҳо, балки амалҳои мушаххас оид ба таҳкими суботи ҷаҳонӣ махсусан муҳиманд.

Сарвари давлат қайд намуд, ки Қазоқистон формати ба натиҷаи амалӣ нигаронидашударо дастгирӣ мекунад ва омода аст дар ташаббусҳои барқарорсозии Ғазза аз сохтмони инфрасохтори иҷтимоӣ то кӯмаки башардӯстона ва озуқаворӣ иштирок кунад. Инчунин, нияти ҷудо намудани грантҳои таълимӣ барои донишҷӯёни фаластинӣ ва фиристодани шӯъбаҳои тиббӣ барои миссияҳои сулҳҷӯён эълон карда шуд.

Ба гуфтаи Президент, кишвар омода аст дар ҳудуди худ вохӯриҳо ва майдончаҳои музокироти Шӯроро қабул кунад. Ба иштирокчиёни ҳамоиш нақшаҳои барқарорсозии минтақа, механизмҳои молиявӣ ва чораҳои амниятӣ бо иштироки институтҳои байналмилалӣ пешниҳод намуда шуданд.

Аксҳо: Акорда