ОСТОНА, 01 деакбра АИ «Караван инфо». Қазоқистон дар форуми байналмилалии QS Eurasia Forum 2025, ки дар Тошканд баргузор мешавад, иштирок намуд. Вазири илм ва таҳсилоти олии ҶҚ Саясат Нурбек ҳамчун сухангӯи асосӣ баромад карда, аҳамияти Авруосиёро дар системаи таҳсилоти олии ҷаҳонӣ, инчунин нақши ҳаракати академикӣ, барномаҳои муштарак ва инноватсияро дар тайёр намудани кадрҳо таъкид кард.

Форум, ки аз ҷониби Вазорати Донишгоҳҳои Узбекистон ва Central Asian University бо дастгирии Quacquarelli Symonds ташкил карда шудааст, намояндагони донишгоҳҳо ва коршиносони кишварҳои Осиёи Марказӣ, Аврупо ва Осиёро муттаҳид кард. Аз Қазоқистон 15 донишгоҳ иштирок намуданд, ки лоиҳаҳои таълимӣ ва илмии худро пешниҳод карданд.

Дар доираи чорабинӣ мулоқоти вазирони чор кишвар бо президенти QS Нунсио Квакварелли баргузор гардид, ки дар он омодасозии мутахассисон барои бозори босуръати меҳнат ва таҳкими ҳамкории байналмилалӣ муҳокима карда шуд.

Саясат Нурбек инчунин як қатор гуфтушунидҳои дуҷонибаро бо вазирон ва роҳбарони донишгоҳҳои Озарбойҷон ва Узбекистон, намояндагони QS ва фонди «Эл— Юрт умиди» анҷом дод. Ҷониби узбекистон ба таҷрибаи -барномаи қазоқистонии “Болашак” таваҷҷӯҳ зоҳир кард.

 Аксҳо: МНВО ҶҚ