Париж, 4 феврали соли 2026 АИ «Караван инфо». Қазоқистон ва Фаронса сатҳи баланди шарикии стратегиро тасдиқ намуданд. Даври 11-уми машваратҳои сиёсӣ дар Париж баргузор шуд.

Муовини Вазири корҳои хориҷии ҶҚ Арман Исетов ва директори Департаменти Аврупои континенталии ВКХ-и Фаронса Брис Рокфей доираи васеи масъалаҳоро оид ба амиқ намудани ҳамкории дуҷониба баррасӣ намуданд.

Исетов қайд намуд, ки муколамаи сиёсии байни Қазоқистон ва Фаронса хусусияти устувор, боваринок дорад ва бо тамосҳои мунтазам дар сатҳи олӣ нигоҳ дошта мешавад.

Вай нақши Фаронсаро ҳамчун яке аз шарикони пешрафтаи тиҷоратию сармоягузории аврупоии Қазоқистон таъкид намуд. Ҳаҷми умумии сармоягузории фаронса ба иқтисоди қазоқистон тақрибан 21 миллиард долларро ташкил дод.

Дар соҳаи гуманитарӣ манфиати мутақобила дар амиқсозии минбаъдаи ҳамкорӣ дар соҳаҳои маориф, илм ва фарҳанг тасдиқ намуда шуд.

Ҷонибҳо инчунин, наздик будани мавқеъҳоро оид ба масъалаҳои рӯзномаи ҳамкории бисерҷониба ва ҷонибдории принсипҳои ҳуқуқи байналмилалиро тасдиқ намуданд.

Ҷониби Қазоқистон ба мавқеи фаъоли шарикони фаронсавӣ дар саммити минтақавии экологии СММ, ки 22-24 апрели соли 2026 дар Қазоқистон баргузор мешавад, изҳори умедворӣ намуд.

Брис Рокфей таваҷҷӯҳи Фаронсаро ба рушди минбаъдаи ҳамкории ҳамаҷониба бо Қазоқистон тасдиқ намуд. Вай ба аҳамияти татбиқи амалии созишномаҳо диққат дод.

Дар доираи сафар Исетов инчунин бо директори генералии сиёсӣ ва амнияти ВКХ-и Фаронса Фредерик Мондолони мулоқот намуд.

Аксҳо: ВКХ ҶҚ