Остона, 16 марти соли 2026 АИ «Караван Инфо». Вазири экологияи Қазоқистон Ерлан Нисанбаев бо сафири Қирғизистон Кубаничбек Базарбаев мулоқот намуд. Ҷонибҳо таҳкими ҳамкорӣ, табодули таҷриба ва ташаббусҳои муштаракро оид ба ҳифзи табиат ва таъмини амнияти экологии минтақа баррасӣ намуданд.

Ба омодасозии саммити минтақавии экологӣ, ки санаи 22-24-уми апрел дар Остона баргузор мешавад, диққати махсус дода шуд. Ҳамчунин иштироки Қазоқистон дар ҷаласаи Ҳафтуми роҳбарони идораҳои ҳифзи табиати СҲШ 3-юми апрел дар Бишкек баррасӣ шуд.

Дар байни мавзӯъҳои асосӣ бастани созишномаи дуҷониба дар соҳаи ҳифзи муҳити зист, мубодилаи иттилооти гидрометеорологӣ, гузаронидани чорабиниҳои муштарак оид ба баланд бардоштани саводнокии экологӣ, ҷалби кӯдакон ва ҷавонон, инчунин таҷрибаи экспертизаи давлатии иншоотҳои категорияи I мебошад.

Дар натиҷаи мулоқот ҷонибҳо манфиатдории худро ба таҳкими минбаъдаи ҳамкорӣ оид ба рушди устувори экологӣ тасдиқ намуданд.

Аксҳо: Вазорати Экология ва захираҳои табиии ҶҚ