Остона, 05 феврали соли 2026-АИ «Караван инфо». Президенти Қазоқистон Қасим-Жомарт Токаев бо Президенти Покистон Асиф Али Зардари гуфтушунид намуд. Сарвари давлат ба ҷониби покистон барои пазироии гарм ва сатҳи баланди ташкили сафари расмӣ ташаккур гуфт.

Қасим-Жомарт Токаев қайд намуд, ки дар тӯли зиёда аз 30 сол Қазоқистон Ва Покистон муколамаи устувори сиёсиро дастгирӣ мекунанд ва ҳамкориро дар соҳаҳои гуногун пайваста рушд медиҳанд. Вай иқтидори назарраси геополитикии ду кишварро, ки аз мавқеи стратегии онҳо ва имкониятҳои ҳамкории дарозмуддат вобаста аст, таъкид намуд.

Президенти Қазоқистон инчунин дар бораи имзои эъломияи Муштарак дар бораи шарикии стратегӣ, ки хусусияти бародарии муносибатҳо ва хоҳиши тарафҳоро барои наздикшавии минбаъда инъикос мекунад, дар натиҷаи гуфтушунидҳо бо Сарвазир Шаҳбоз Шариф хабар дод.

Асиф Али Зардори, дар навбати худ, аз сатҳи робитаҳои дуҷониба изҳори қаноатмандӣ намуд ва омодагии Покистонро барои густариши ҳамкории мутақобилан судманд тасдиқ намуд. Ҷонибҳо масъалаҳои мубрами рӯзномаро муҳокима намуда, самтҳои нави ҳамкориро муайян намуданд.

Аксҳо: Акорда