Душанбе, 07 октябр, – АИ «Корвон Иттилоот». Дар Бозиҳои сеюми ИДМ-2025, ки дар шаҳри Уфа (Ҷумҳурии Федератсияи Русия) идома доранд, варзишгари тоҷик Беҳрӯз Умаров аввалин медали тиллоиро барои дастаи мунтахаби Тоҷикистон ба даст овард. Ӯ дар финали мусобиқаи бокс дар вазни то 50 кг бар намояндаи Ӯзбекистон Азизбек Шокиржонов ғалаба кард.

Ғайр аз медали тилло, варзишгарони тоҷик инчунин се медали нуқра ва чордаҳ медали биринҷӣ ба даст оварданд.

То имрӯз мунтахаби Тоҷикистон соҳиби 18 медал гардидааст:  1 тилло, 3 нуқра ва 14 биринҷӣ.

Ин дастовардҳо нишонаи рушди варзиши миллӣ ва неруи рӯзафзуни ҷавонони тоҷик дар саҳнаи байналмилалӣ мебошанд.

АКС: ТВ «Варзиш»