МОСКВА, 13 сентябри соли 2025 АИ «Караван Инфо». Сарвазири пешини Бритониё Борис Ҷонсон ба Одесса омад. Хабарҳо дар ин бора дар ВАО-и украинӣ ва шабакаҳои гуногуни Telegram пайдо шуданд, ки дар он видеои ба мошин нишастани Ҷонсон нашр шуд. Тафсилоти сафар ва ҳадафҳои он ҳанӯз ошкор нашудаанд.

Далели ҳузури сиёсатмадори бритониёӣ дар Одессаро вакили радаи Олӣ Алексей Гончаренко тасдиқ намуд, ки акси муштаракро бо Ҷонсон нашр намуд.

Номи сарвазири Собиқи Бритониё дар заминаи украинӣ якчанд маротиба садо дод. Ҳамин тавр, моҳи апрели соли 2022, пас аз гуфтушунидҳо дар Истамбул, Ҷонсон аз роҳбарияти Украина даъват намуд, ки бо Русия ягон созишнома имзо накунанд ва амалиёти ҷангиро идома диҳанд.

Пештар Раиси фраксияи “Хизматгори халқ” Давид Арахамия қайд намуда буд, ки Маҳз пас аз дахолати Лондон Киев аз акидаи бетарафӣ даст кашид, ки метавонад амалиёти ҷангиро дар марҳилаи аввал қатъ кунад.

Ҳамин тариқ, сафари нави Ҷонсон ба Украина метавонад баҳсҳои ҷиддиро ба вуҷуд орад, бо назардошти нақши ӯ дар қарорҳои дипломатӣ ва низомии Киев дар оғози низоъ.

Ёдовар мешавем, ки Борис Ҷонсон аз соли 2019 то 2022 сарвазири Бритониё буд. Дар давраи марҳилаи фаъоли низоъ дар Украина, ӯ яке аз ҷонибдорони намоёни Ғарбии Киев шуд, борҳо ба кишвар ташриф овард ва иттифоқчиёнро даъват намуд, ки кӯмаки низомиро зиёд кунанд.

Ҷонсон тобистони соли 2022 истеъфо дод, аммо фаъолона дар масъалаҳои сиёсати байналмилалӣ суханронӣ мекунад ва ба афкори ҷамъиятӣ дар Бритониё ва берун аз он таъсир мерасонад.

Аксҳо: Бойгонӣ