Остона, 11 феврали соли 2026 АИ «Караван Инфо». Дар Қазоқистон пешниҳод намуда мешавад, ки системаи нархгузорӣ ба газ тағйир дода шавад ва ҳисобкунакҳои фосилавӣ ҷорӣ карда шаванд. Пешниҳоди дахлдорро вакили маҷлис Едил Жанбиршин дар ҷаласаи умумӣ эълон намуд.

Вакил қайд намуд, ки системаи кунунии нархгузорӣ ҳаҷми воқеии истеъмоли газ ва хусусиятҳои иқлимии минтақаҳоро ба назар намегирад.

“Хонаи истиқоматӣ дар минтақаи гарм назар ба хонаи шабеҳи хунук бештар газ истеъмол мекунад. Аммо, ин фарқият дар нархгузорӣ инъикос намешавад ” гуфт ӯ.

Лоиҳаи қонун пешниҳод мекунад, ки меъёрҳои истеъмолӣ муқаррар намуда шаванд ва ҳангоми зиёд намудани меъёрҳои муқарраршуда ба нархгузорӣ муносибати фарқкунанда татбиқ намуда шавад. Чунин равиш аллакай дар обтаъминкунӣ ва энергетикаи барқ истифода мешавад. Чунин механизм кайҳо дар Озарбойҷон ва Узбекистон ҷорӣ намуда шудааст.

Жанбиршин инчунин мушкилоти нодурустии баҳисобгирии истеъмоли газро қайд намуд. Дар айни змон, нишондиҳандаҳои ҳисобкунакҳои 2,1 миллион истеъмолкунанда аз ҷониби назоратчиён дастӣ гирифта мешаванд ё тавассути мессенҷерҳои фаврӣ фиристода мешаванд.

Дар Системаи QazaqGaz Aimaq аз 1,9 миллион муштариён танҳо 100 ҳазор нафар бо дастгоҳҳои ҳисобкунии интиқоли маълумоти фосилавӣ муҷаҳҳаз карда шудаанд.

Вакил пешниҳод мекунад, ки марҳила ба марҳила ба истифодаи асбобҳои баҳисобгирии газ бо интиқоли фосилавии маълумот гузаранд ва системаи ягонаи рақамии баҳисобгириро ташкил намоянд. Иваз намудани асбобҳои баҳисобгирӣ аз ҳисоби маблағҳои ташкилотҳои таъминкунандаи газ амалӣ намуда мешавад.

Ба ақидаи ӯ, қабули чунин меъёрҳо имкон медиҳад, ки адолати иҷтимоӣ таъмин карда шавад, самаранокии истифодаи захира баланд бардошта шавад, пардохтҳои аҳолӣ кам намуда шаванд ва ҳаҷми озодшудаи газ ба истеҳсол ва газификатсияи маҳалҳои аҳолинишини газдор равона карда шавад.

Аксҳо: freepik/pvproductions