Остона, 3 феврали соли 2026 АИ «Караван инфо». Дар Қазоқистон масъалаҳои рақамикунонии соҳаи сохтмон барои солҳои 2026-2027 баррасӣ шуданд. Маҷлисро муовини вазири саноат ва сохтмон Жаннат Дубирова баргузор намуд.

Дар муҳокима роҳбарияти Кумитаи корҳои сохтмон ва ХМК, намояндагони ташкилотҳои тобеи он, институтҳои миллии рушд, инчунин таҳиягарон ва коршиносон дар соҳаи ҳалли рақамӣ иштирок намуданд.

Дар маҷлис масъалаҳои ҷорӣ ва рушди асбобҳои рақамӣ дар сохтмон баррасӣ намуда шуданд. Пешбурди ҳуҷҷатҳои иҷроияро дар формати электронӣ ва натиҷаҳои амалии истифодаи системаҳои иттилоотӣ дар объектҳо муҳокима намуданд.

Ба самаранокии иқтисодии рақамикунонӣ, таъмини шаффофияти равандҳои сохтмонӣ ва риояи талаботи қонунгузорӣ диққати махсус дода шуд.

Дар натиҷаи машварат роҳҳои имконпазири рушди минбаъдаи хидматҳои рақамӣ дар сохтмон муайян намуда шуданд.

Нақшаи рақамикунонии соҳаи сохтмон барои солҳои 2026-2027 9 январи соли 2026 тасдиқ намуда шуд. Ҳадафи он баланд бардоштани шаффофият ва идоракунии соҳа, кам намудани мӯҳлат ва хароҷоти сохтмон, коҳиш додани монеаҳои маъмурӣ ва баланд бардоштани сифат ва бехатарии иншоот мебошад.

Аксҳо: Вазорати Саноати ҶҚ